Почеток на новата учебна година во ОУ „Климент Охридски“ – Облешево, свечен прием за првачињата

Денеска започна новата учебна година 2025/2026, а во Основното училиште „Климент Охридски“ во општина Чешиново-Облешево беше организиран свечен прием за новата генерација првачиња.

Во присуство на наставници, родители и претставници од локалната самоуправа, учениците од прво одделение беа пречекани со пригодна програма, песни, игри и пораки за добредојде.

Наставниот кадар им посака успешен почеток и безгрижни денови исполнети со нови знаења и пријателства.

Општината и училиштето потенцираа дека се преземени сите подготовки за непречено одвивање на наставата, со обезбедени наставни средства и подобрени услови во училиштето.