Вие сте на официјалниот портал на Радио Кочани.
Со свечено отворање на новите простории на улицата „Кеј на Револуцијата“ бр. 14, „Школа за убавина Арт“ официјално го започна своето работење во Кочани.
По осум години успешно функционирање во Скопје и повеќе од 10.000 обучени курсисти, школата го проширува своето делување и во источниот регион на државата.
На настанот присутните имаа можност да се запознаат со просториите, програмите за обука и можностите кои ги нуди школата, како и директно да разговараат со сопственичката и менаџерка Марија Мојсова.
Со отворањето на новата локација, „Школа за убавина Арт“ ја продолжува својата мисија за создавање квалификувани професионалци и овозможување нови можности за образование и професионален развој во областа на убавината.