На денешен ден – 4 февруари (Гоце Делчев, 154 години од неговото раѓање), вечна слава на херојот!

1872 година во Кукуш е роден Гоце Делчев, еден од најголемите македонски национални херои, апостол и срцето на револуционерна Македонија. Тој беше идеолог, организатор и водач на македонското револуционерно националноослободително движење кон крајот на XIX и почетокот на XX век.

Делчев својот живот го посвети на борбата за слободна, самостојна и обединета Македонија. Неговата визија беше Македонија да биде држава во која сите народи ќе живеат рамноправно и слободно. Со неуморна енергија патувал низ македонските краишта, создавајќи револуционерна мрежа, зацврстувајќи ја организацијата и подготвувајќи го народот за слобода.

На 3 мај 1903 година, по пристигнувањето на закажаниот конгрес на Серскиот револуционерен округ во селото Баница, Серско, селото било опколено од османлиската војска. Во нерамноправната борба, утрото на 4 мај, загинал Гоце Делчев бескомпромисен борец, чиј живот згасна, но чија идеја за слободна Македонија остана вечна.

Гоце Делчев не е само историска личност тој е симбол на македонската борба, достоинство и стремеж кон слобода. Неговото име и денес живее во срцата на Македонците како светилник на револуционерната мисла и националната самосвест.

Вечна слава!