Вие сте на официјалниот портал на Радио Кочани.
Во рамките на теренските активности, претставници на ВМРО-ДПМНЕ денеска ја посетија општина Зрновци и околните населени места. Меѓу нив беше и портпаролката на Владата на Република Македонија, Марија Митева, како и други високи функционери од партијата.
Тие заедно со актуелниот, а воедно и иден кандидат за градоначалник, Борчо Коцев, остварија средби со локалното население. Разговараа за досега реализираните проекти, актуелните проблеми со кои се соочуваат жителите, како и за плановите и проектите што би се реализирале доколку Коцев ја добие поддршката на следните избори.
Во вечерните часови, на Плоштадот „Свети Димитрија“, беше организирана културна вечер со изведби на народни традиционални инструменти и македонска изворна музика, со цел да се зачува и промовира македонското културно наследство.