Вие сте на официјалниот портал на Радио Кочани.
Екипата на ЖФК „Кочани“ и следната сезона ќе настапува во Првата женска фудбалска лига, откако во бараж натпреварот во Ѓорче Петров со 7:3 го совлада „Билјанини Извори“ од Охрид.
Охриѓанки одлично го отворија мечот и по само осум минути водеа со 2:0 со головите на Јулчовска и Николовска.
Сепак, Кочани преку Милеска и Донева израмни на 2:2 до паузата.
Во второто полувреме следуваше целосен пресврт.
Кицара погоди за 3:2, а потоа Велиновска и Милеска ја зголемија предноста на 5:2.
До крајот Стојанова и Кицара постигнаа уште два гола за Кочани, додека Ристова со атрактивен погодок ги постави конечните 7:3.
Со оваа победа, Кочани обезбеди опстанок во елитното друштво и следната сезона ќе биде дел од Првата женска фудбалска лига.