Вие сте на официјалниот портал на Радио Кочани.
Од Кочанско архиерејско намесништво информираат дека по повод Духовденската задушница на 29 и 30 мај ќе се одржат молитви за упокоените на Градските гробишта во Кочани, како и литургија за упокоените во Храмот „Св. Вмч. Георгиј“ Кочани.
В петок, 29 мај, со почеток од 17:00 часот, свештенството ќе биде распоредено на повеќе локации на старите и новите гробишта:
од старите гробишта кај пругата кон новите, над капелата од десната страна кон старите гробишта, над водовод куќичката кон старите гробишта.
Во сабота, 30 мај, од 07:00 часот, молитвите ќе продолжат:
над капелата од левата страна кон новите гробишта, над водовод куќичката кон новите гробишта, од новите гробишта во правец кон старите.
Истиот ден, со почеток во 07:00 часот, во храмот „Св. Вмч. Георгиј“ ќе се служи и литургија за упокоените.
Од свештенството информираат дека сите граѓани кои нема да бидат во можност да чекаат на гробиштата поради зафатеност, можат да донесат вино и пченица во храмот, каде што по завршувањето на литургијата ќе бидат прочитани молитви за нивните упокоени.