Вие сте на официјалниот портал на Радио Кочани.
Пред околу три децении започна изградбата на храмот посветен на Света Петка, лоциран во селото Кочански дол, а во негова близина има извор со света вода, за кој многумина веруваат дека е благословен токму од светицата.
Иако темелите се осветени, низ годините изградбата се одвиваше бавно поради недостиг на финансии.
Денес, благодарение на иницијативата на здружението ГРИН.ОРГ, повторно се раздвижуваат активностите за уредување на светиот простор.
Во изминатите две недели обезбедени се: плочки за целосно поплочување, фасаден материјал, камен за надворешна обработка, икона за целивање, светилки, косилки и други потребни алатки. В
Веќе има и доброволци – мајстори за поставување на плочките.
Она што останува како последен и најзначаен чекор – е изработката на олтарот, кој треба да биде резбан во дрво и ќе зафаќа 14 м². Проценетата вредност за неговата изработка е околу 17.000 евра.
Упатуваме искрен апел до сите хумани граѓани, верници – христијани и муслимани, фирми, иселеници и поддржувачи на духовните вредности: да помогнеме за да се доврши ова свето дело.
Храмот, по завршувањето, ќе биде место за молитва, духовни собири, литургии…
Секоја донација, без разлика на износот, е чекор поблиску до светлината на вербата.
Сите што се во можност да донираат може да го сторат тоа на сметката на grin.org
Или онлајн на линкот подолу: