Левица со Жаклина Филипова-Свеќаровска во трката за градоначалник на Кочани

Политичката партија Левица ја објави кандидатурата на Жаклина Филипова-Свеќаровска за градоначалничка на Општина Кочани на локалните избори закажани за 19 октомври.

Таа е актуелен член на Советот на општината и делува како советничка од редовите на Левица.

Со оваа кандидатура, бројот на пријавени кандидати за функцијата градоначалник на Кочани досега достигна пет.

Освен кандидатката на Левица, во трката се и двајца независни кандидати — Венко Крстевски и Зоран Тодоров, како и партиските кандидати Владко Грозданов од ВМРО-ДПМНЕ и Игор Христов од СДСМ.

Изборната кампања сè повеќе добива на интензитет, а граѓаните на Кочани ќе имаат избор меѓу повеќе опции со различни политички и програмски приоритети.