Вие сте на официјалниот портал на Радио Кочани.
Општина Кочани им постави осумдневен рок на сопствениците на пицерии лоцирани во Трговскиот центар да ги отстранат доградбите пред нивните локали.
Доколку тоа не се направи во предвидениот рок, ќе следува нивно присилно отстранување од страна на надлежните служби.
Комуналните инспектори веќе им доставиле соодветно известување, во кое јасно е нагласено дека структурата што е поставена без соодветна дозвола мора да се отстрани.
Иако постои можност за поднесување жалба, таа не го одложува спроведувањето на мерката.
Во рамки на овие активности, локалната власт веќе спроведе постапка за избор на фирма што ќе биде задолжена за уривање на нелегално поставени објекти.