По девет години верност во „Осогово“, Тоше Манов не е веќе дел од тимот на жолто-сините

Фудбалерот на „Осогово“, Тоше Манов не е повеќе од тимот на жолто-сините, потврди Манов за Радио Кочани.

Тој е девет години, дел од тимот на жетварите при што одигра 238 натпревари и постигна 98 голови.

Во текот на вчерашниот ден, добив телефонски повик од кој бев известен дека веќе не сум дел од тимот на „Осогово“ за следната натпреварувачка сезона.  И тоа без никаква причина. Секоја сезона завршував како прв стрелец, а додека бев во тимот, постојано добивав понуди од други клубови, но ги одбивав и останав верен на „Осогово“.

Бев поим за верност спрема клубот и кога ни беше најтешко и ни ги намалуваа платите, а за возврат го добив ова, без разговор во четири очи, без ништо.

Изразувам огромна благодарност до сите симпатизери и навивачи кои верно ме поддржуваа и ми даваа сила да продолжам, изјави за Радио Кочани, Тоше Манов.

За донесената одлука очекуваме информации од Стручниот штаб на „Осогово“.