Шкупи и Тиквеш заедно во чест на Андреј Лазаров…

Фудбалерите на Шкупи во претпоследното коло од сезоната на ПМФЛ го дочекаа Тиквеш на „Чаир“. Ова е прв меѓусебен натпревар на овие две екипи откако се случи големата трагедија со пожарот во дискотеката во Кочани во која животот го загубија преку 60 лица.

Една од жртвите беше и Андреј Лазаров, фудбалер кој последно настапуваше за екипата на Шкупи, а во минатото беше дел и од Тиквеш. Поради тоа двата тима постхумно му оддадоа почит повлекувајќи ги броевите кои играчот ги носеше.

Сега во пресрет на натпреварот играчите на двата тима се фотографираа заедно, а играчите на Шкупи носеа и маички посветени на Лазаров.

gol.mk