Вие сте на официјалниот портал на Радио Кочани.
На 27 октомври ќе се одржи „Гратче треил“ во организација на КПС „Осоговски орел“
Клубот за планинарски спортови „Осоговски орел“ и годинава продолжува со организација на настанот планинско трчање „Гратче траил“, кое ќе се одржи на 27 октомври.
Патеките ќе поминуваат низ разновиден планински пејзажи, шума, ливади, селски маала и природни извори околу езерото Гратче.
Патеките по кои ке се трча се „Гратче траил 30“ и „Гратче траил 12“.
Првата, стартува од паркингот на браната Гратче и поминува покрај водопадите на Голема Река – Горно Гратче – рампа – Крушка – Голема Река – Бабиште – Јастребник – брана Гратче. Вкупна должина на патеката е 30км.
Втората почнува од истата локација, како и првата, па продолжува кон Водопадите на Голема Река – Горно Гратче – рампа- врвот Мактеон и крајната цел е брана Гратче. Вкупна должина на патеката изнесува 12км.
За учесниците ќе бидат организирани повеќе пунктови за вода, освежување и насочување кон патеките .
© 2024 Текстовите и другите содржини се сопственост на Радио Кочани. Секое нивно целосно или делумно преземање, користење или реемитување е дозволено само со претходна согласност од сопственикот.