Вие сте на официјалниот портал на Радио Кочани.
Градоначалникот Љупчо Папазов организираше прием за гостите учесници на 11. Меѓународен фолклорен фестивал „Ѓурѓовденски обичаи, песни и ора“
Фолклорниот ансамбл „Љупчо Сантов“ од Оризари по повод верскиот празник Ѓурѓовден и оваа година ќе го одржи традиционалниот Меѓународен Фолклорен фестивал „Традиционални Ѓурѓовденски обичаи, песни и ора“.
По тој повод гостите претставници на фолклорни ансамбли од Црна Гора, Босна и Херцеговина и Србија денеска имаа прием кај градоначалникот Љупчо Папазов.
Активностите во склоп на фестивалот продолжуваат утре од 17:30 часот со дефиле на сите учесници на фестивалот низ улиците во Оризари, а во 18:00 часот ќе се одржи фолклорен концерт во дворот на Домот на културата во Оризари и дегустација на традиционални јадења.
