„Работнички“ и „Тиквеш“ закажаа меч во чест на Андреј Лазаров

Македонскиот фудбал ќе му оддаде почит на трагично загинатиот Андреј Лазаров.

Една година по несреќата во Кочани, во која животот го загуби и поранешниот фудбалер на неколку домашни клубови, неговите поранешни екипи ќе одиграат натпревар во негова чест.

„Работнички“ и „Тиквеш“ официјално потврдија дека ќе одиграат пријателски дуел е закажан на 29. март во Кавадарци, со почеток од 13:00 часот.

Натпреварот ќе има симболично значење и ќе биде посветен на споменот на Лазаров, кој остави белег во македонскиот фудбал.

Лазаров во моментот на трагедијата беше дел од „Шкупи“, а низ кариерата настапуваше и за „Работнички“ и „Тиквеш“.

Неговите први фудбалски чекори беа во „Металург“, по што следуваше трансфер во „Работнички“, а подоцна и настапи за „Тиквеш“. Покрај настапите во Македонија, Лазаров имаше и интернационално искуство во Хрватска, каде ги носеше дресовите на „Рудеш“ и „Горица“.