Започна пријавувањето штети по поплавите во општина Чешиново-Облешево

Општина Чешиново-Облешево ги известува сите жители погодени од последните поплави дека е започната постапката за пријавување на штети.

Граѓаните треба да ги достават пријавите до општината, со цел надлежната комисија да може навреме да излезе на терен и да изврши увид.

Од општината дополнително информираат дека за семејствата кои имаат потреба од итна помош — како вода за пиење и хигиенски средства — истата ќе биде обезбедена во најбрз можен рок.