Завршен настан на проектот „Едукација за нутриционизам со виртуелна реалност“

Денес се одржа завршниот настан на Еразмус+ проектот „Едукација за нутриционизам со виртуелна реалност“, на кој беа презентирани проектните активности и постигнатите резултати. Најдобриот тим од СОУ „Љупчо Сантов“ – Кочани ја претстави својата работа и искуствата стекнати за време на проектот. Проектот се реализираше во партнерство со НВО „Локална акциона група“ од Кочани, како и со партнери од Франција, Италија и Бугарија. Со неговата имплементација се очекува позитивно влијание врз подигањето на јавната свест кај младите за здрави навики во исхраната, како и понатамошна примена на иновативниот софтвер во училиштата.