На 12 јули – авионско прскање против комарци во Кочанско

Согласно Законот за заштита на населението од заразни болести, за спроведување превентивна систематска дезинсекција на територијата на Општина Кочани, како општа противепидемиска мерка, в сабота наутро, на 12 јули 2025 г., од 4 до 11 часот, стручни екипи ќе ја спроведат првата фаза од авионското третирање против комарци во Кочанско.

Прскањето против комарци ќе се врши со еколошко средство за уништување комарци – широкопојасен инсектицид одобрен од Бирото за лекови.

Граѓаните што одгледуваат пчели потребно е да ги преземат потребните заштитни мерки.

При неповолни временските услови (ветер, дожд) третирањето ќе се одложи за следниот ден.