Вие сте на официјалниот портал на Радио Кочани.
Со празничната вечерна богослужба во црковниот храм „Св. вмч. Георгиј“ во Кочани, од денеска (11 јули 2025 г.) започнуваат содржините од годинашново одбележување на Петровден, Празникот на градот Кочани. Литургијата, на која ќе чиноначалствува Неговото високопреосвештенство митрополитот Брегалнички Иларион, започнува во 17 ч.
По неа, во 18:15 ч. ќе има литија на релацијата од кочанскиот храм „Св. вмч. Георгиј“ до Градскиот парк, каде што ќе се крши славскиот колач.
Во 19 ч., во црковниот двор ќе се одржи Духовна академија на која ќе настапат машкиот византиски хор „Свети Нектариј Битолски“ и Детскиот хор „Св. Стилијан“ од Битола.
Од 20 ч. во Градскиот парк во Кочани ќе настапат Владо Јаневски, Dj Acko, Марија Данева & #HASHTAG.