Вие сте на официјалниот портал на Радио Кочани.
Општина Виница потпиша договор за Јавна набавка за изведба на работи со ДПИ „АГП“ ДООЕЛ Свети Николе за реконструкција на старото тениско игралиште во нов современ кошаркарски терен и теретана на отворено. Врз основа на овој договор и потпишаниот Меморандумот за соработка со Фондацијата за развој на локалната заедница- Штип, наскоро Виница ќе добие теретана на отворено и современ кошаркарски терен, информира винчкиот градоначалник, Миле Петков..
Тоа ќе биде место каде ќе може многу млади па и повозрасни луѓе да се рекреираат со најсовремени фитнес апарати и фитнес опрема. Место кое ќе служи како центар за социјална интеракција, пријателски натпревари и негување на тимската работа и спортскиот дух, нагласува Петков.
Вкупната вредност за финализирење на овој проект е околу 2.000.000 денари.