Вие сте на официјалниот портал на Радио Кочани.
КЈП “Водовод” Кочани продолжува со активности за хортикултурното уредување на ново поставените бетонски жардињери. Одделението за градско зеленило денеска на ул.„Тодосие Паунов„ , по целата нејзина должина, на потегот од кружниот тек кај полициската станица до бензинската станица на “Лукоил” вршеше полнење на жардињерите со почва. Истовремено се уредуваат и бетонските жардињери на улица “Стево Теодосиевски”.
Поради големата должина на сообраќајниците, активностите се изведуваат етапно и синхронизирано во соработка со Општина Кочани. Во првата фаза беше поставен систем за наводнување, а сега се поставува плодна хумусна земја. Реализацијата понатаму ќе продолжи со поставување на декоративни зимзелени растенија, трева и цвеќиња.
КЈП “Водовод” Кочани до завршувањето на сите предвидени активности апелира за внимателно и одговорно учество во сообраќајот на сите учесници.