Од полноќ поевтинува дизелот

Регулаторната комисија за енергетика (РКЕ) одлучи денеска да не се менуваат цените на бензините и мазутот, па од полноќ тие ќе се продаваат според актуелните цени

Од ноќеска на полноќ цената на дизелот се намалува за два и пол денари и ќе се продава по 76 денари за литар.

Според одлуката што денеска ја донесе Регулаторната комисија за енергетика (РКЕ), освен дизелот, за два денари се намалува и цената на екстра лесното масло за домаќинство кое од полноќ ќе чини 75 денари за литар.

РКЕ одлучи денеска да не се менуваат цените на бензините и мазутот, па од полноќ тие ќе се продаваат според актуелните цени. Литар еуросупер БС-95 ќе се продава за 82 денари, еуросупер БС-98 ќе чини 84 денари за литар, а мазутот ќе се продава по 41,411 денари за килограм.