Вие сте на официјалниот портал на Радио Кочани.
Фудбалскиот третолигаш, ГФК „Осогово“, го собра највредното во Изборот на најуспешните спортисти на Кочани за 2022 година. Голгетерот на „жолто-сините“, Тоше Манов, е спортист број 1 на Кочани за преходната година. Бранко Богатинов, номиниран од „Осогово“, е најдобриот спортски работник. Јован Манев, кој потекнува од „миленичето“ на кочанската спорстка јавност, а сега настапува за турски прволигаш, доби посебно признание за афирмација на кочанскиот и мак-фудбал. Здружението на граѓани „Никола Мантов“, пак, е наградено, посебно за сето она што го стори во претходната година за ГФК „Осогово“ и што покажа како се сака и работи за доброто на еден спортски колектив.
Пингпонгарите на „Кочани“, суперлигаш, се најдобриот клуб на градот за 2022, а Оливер Јовановски од ЖФК „Кочани“ е тренер на годината.
Изборот го извршија новинари на Радио Кочани, ТВ Кочани ЛД, Гласно и Комарец. Прогласувањето на најуспешните спортисти на Кочани за претходната година вечерва беше извршено во Хотел „Национал“ ….