По трет пат, целосно бесплатни курсеви по математика и информатика со ” Бистри умови”

Кочанското здружение БИСТРИ УМОВИ ја тресе цела Македонија Мајчинската љубов и талентот на својот син стануваат двигател на највпечатливата иницијатива што ја менува иднината на младите таленти во земјава Кога мајчинската љубов ќе се спои со упорност и верба во талентот на едно дете, тогаш започнува вистинска промена.

Така започна приказната на Анита Атанасова-Грчев – мајка која од поддршка за својот син Владимир создаде движење што инспирира илјадници семејства низ Македонија. Токму од неговите успеси – повеќекратни државни и меѓународни медали – се роди здружението „Бистри умови“. Она што некогаш беше лична мисија за едно дете, денес е најмасовната бесплатна едукативна иницијатива за талентирани ученици во државата. „Бистри умови“ по трет пат објавуваат почеток на целосно бесплатни, повеќемесечни курсеви по математика и информатика, отворени за ученици од сите градови. Целта е јасна: да се создадат еднакви можности за секое дете што носи талент во себе.

До денес, овие курсеви ги посетуваа илјадници ученици, а интересот секоја година значително расте. Тоа е најдобриот доказ дека кога ќе се понуди квалитетна, достапна и бесплатна едукација – младите веднаш го препознаваат патот кон успехот. Курсевите овозможуваат напредна програма, логичко размислување, подготовка за натпревари и континуирана поддршка во средина која вистински ја цени посветеноста и талентот. „Нашата цел е едноставна – секое талентирано дете да добие шанса да успее“ изјавува Анита Атанасова-Грчев, Претседател на БИСТРИ УМОВИ. Како да се пријавите? Пријавувањето се врши преку линкот објавен на официјалниот Facebook профил на „Бистри Умови“: https://www.facebook.com/100095129580571 Потребно е да ја отворите објавата за бесплатните курсеви и да ја пополните пријавата. По затворање на пријавувањето, ќе се формираат групите и ќе бидат испратени сите потребни информации.