Се реконструира улицата „Мите Стојчев“ во Тркање

Започна реконструкцијата на улицата „Мите Стојчев“ во селото Тркање.

Градежните работи се одвиваат на потег со должина од 570 м и ширина од 4 до 4,5 м. Изведувач е „Стоименов“ од  Кочани.

Финансиските средства во износ од 3.965.590 се од Буџетот на Општина Кочани.

Со овој градежен зафат ќе се поправат големите оштетувања на улицата „Мите Стојчев“, којашто го спојува селото Тркање со објектите на „Амфенол“.