Кочани има и шести кандидат за градоначалник од партијата ,,Единствена Македонија”, Радио Кочани зборуваше со претседателката на ОИК – Кочани, Билјана Димовска Гичева

Вечерва на полноќ завршува рокот за поднесување кандидатски листи за советници и кандидатури за градоначалник. До Општинската изборна комисија во Кочани досега се поднесени шест кандидатури за градоначалник и осум советнички листи.

Екипа на Радио Кочани беше вечерва во канцеларијата на Комисијата и разговараше со претседателката Билјана Димовска Гичева.

Во Општинската изборна комисија Кочани кандидатски листи поднесоа група избирачи, меѓу кои се Благица Сабовлевиќ Стоименова, Влатко Здравков и Аки Акиов.

Своето учество на локалните избори го потврдија и политичките партии: „ЗНАМ“, „Левица“, партијата „Граѓанска иницијатива Грин“, „Коалицијата Искуство за успех“, како и најголемите политички партии СДСМ и ВМРО-ДПМНЕ.