Вие сте на официјалниот портал на Радио Кочани.
Реконструкција, санација и асфалтирање на повеќе улици во градот…
Во текот на изминатиот период градежна механизација работеше на реконструкција, санација и асфалтирање на повеќе улици во градот. Беа санирани оштетени асфалтни површини на улиците „Душан Петровски“, „Пере Тошев“,„Љупчо Сантов“, „Стамен Манов, „Индустриска“, „Страшо Ербапче“, „Охридска“, „1-ви Мај“, „Бел Камен“ во Кочани, како и улицата „Маршал Тито“ во с. Долни Подлог. Вкупната санирана асфалтна површина извесува 1802,70 метри квадратни.
Реконструирани се и дел од улиците „Мите Јорданов“ во село Тркање во должина од 200 метри, „4-та Македонска бригада“ во должина од 170 метри, „Сребрен Димитров“ во с. Прибачево во должина од 250 метри и дел од улиците „Цар Самоил“ и „Христијан Карпош“ во должина од 600 метри.
Во тек е реконструкција на дел од булеварот „Теодосија Паунов“.
Изведувач на работите е фирмата „Стоименов“.