Општина Зрновци објави електронско јавно наддавање за отуѓување на градежно земјиште…

Во изминатиот период, стручната служба на општина Зрновци, интензивно работеше на уредување на градежното земјиште, што претставува клучен сегмент за урбанистичкиот развој на локалните самоуправи.

Како резултат на оваа работа, Локалната самоуправа на  Зрновци објави “ОБЈАВА бр. 1 за 2025 година”, која се однесува на отуѓување на градежно земјиште, сопственост на Република Македонија, по пат на електронско јавно наддавање.

Во објавата се опфатени 21 парцела од трите населени места: Зрновци, Мородвис и Видовиште, со вкупна површина од 20 декари градежно земјиште, наменето за семејно домување во станбени куќи (А1).

Сите заинтересирани граѓани можат да се информираат за деталите на објавата преку официјалната веб-страна на општина Зрновци, www.zrnovci.gov.mk.