Денеска официјално започнува зимата, таа ќе трае 89 денови

Календарски зимата  почнува, денеска, 21 декември во 12:12 часот.

Во исто време за жителите на јужната хемисфера ќе започне летото.

На денот на почетокот на зимата пладневното сонце е на својата најниска позиција на хоризонтот.

На северната хемисфера денот е најкраток, а ноќта е најдолга.
21 декември се нарекува зимски солстициум.
Зимата кај нас е најкраткото годишно време. Трае 89 дена, се до 20 март 2025 година, кога календарски започнува пролетта.