Вие сте на официјалниот портал на Радио Кочани.
Продолжува традиционалната ликовна колонија „Св. Пантелејмон“
Општина Кочани ја продолжува традиционалната ликовна колонија „Св. Пантелејмон“, 10-та по ред, која оваа година ќе се одржи на „Пониква“ на Осоговските Планини.
Во колонијата ќе бидат вклучени 10 ученици на возраст од 15 до 18 години од Кочани, Штип и Скопје.
Ликовната колонија започнува утре на 6 септември и ќе трае до 9 септември 2024 година. Младите уметници ќе цртаат по два мотива од кои еден од поднебјето на Кочани, еден по слободен избор.
Ликовната колонија ќе се одвива под менторство на м-р Александра Димитрова, академски сликар од Кочани.
Изложба на делата од Ликовната колонија ќе се одржи во рамки на манифестацијата „Денови на кочанскиот ориз“ 2024 година.
Ликовната колонија „Св. Пантелејмон“ е поддржана од Програмата за култура на Општина Кочани за 2024 година.