Се одржува 10ти генерациски турнир во мал фудбал во Спанчево

Од 16ти  до  20ти август по десетти пат се одржува генерацискиот турнир во мал фудбал во село Спанчево – Општина Чешиново-Облешево.

На овогодинешното јубилејно издание учество  земаа 20 екипи од генерација 1970 до 2001, а  оваа година има и две екипи од помалите генерации, со цел спортот и дружењето да се пренесе и кај најмалите.

-Во с.Спанчево се одржува Генерациски турнир во мал фудбал,односно имаме јубилеј оваа година 10ти по ред.Турнирот е за дружба, забава, играчите на екипите мора да бидат од иста генерација и е единствен турнир од ваков тип во Македонија.

Минатата година имавме 16 екипи само од селото, сега имаме 20.

Би сакал да ги поканам сите од село Спанчево, но и од околните места, да го проследат турнирот,  да дојдат и да проследат добри натпревари, но и секако заеднички да се дружиме.

Изјави за Радио Кочани Организаторот на турнирот Ненад Гичев.

Целта на ваквиот спортски настан е дружба, но и пренесување на спортот или конкретно малиот фудбал и кај младите генерации со цел и тие да се насочат кон спортувањето.

Д.Михајлов