В недела, 30 јуни – авионско прскање против комарци во Кочанско

Согласно Законот за заштита на населението од заразни болести, за спроведување превентивна систематска дезинсекција на територијата на Општина Кочани, како општа противепидемиска мерка, в недела на 30 јуни 2024 г., од 5 до 8 часот наутро, стручни екипи ќе ја спроведат првата фаза од авиотретирањето против комарци.

Прскањето против комарци ќе се врши со еколошко средство за уништување комарци – широкопојасен инсектицид одобрен од Бирото за лекови.

Граѓаните што одгледуваат пчели потребно е да ги преземат потребните заштитни мерки.

Доколку временските услови се неповолни (ветер, дожд) третирањето ќе се одложи за следниот ден.