Радио Кочани
Кочани

Продолжува субвенционираниот општински линиски превоз на патници во Кочани

262

По спроведената постапка за јавна набавка, Општина Кочани го продолжува организирањето општински линиски превоз на патници на подрачјето на општина Кочани.

Превозот на релацијата: Оризари – Усова Чешма, Бавчалук, спој на улицата „Бел камен“ со  „Страша Ербапче“ – Лесна индустрија ќе го реализира „Тасим компанија“ од Оризари. Превезувањето се реализира четирипати во текот на денот, од 8 до 16 часот, од понеделник до сабота.

Единечната цена на билет по патник за едно возење изнесува 20 денари, од кои Општина Кочани учествува со 50 %, а другите 50 %,  односно 10 денари, на превозникот му ги плаќа патникот со купување билет за превоз на соодветната релација.

Договорот за организирање општински линиски превоз во Кочани е во износ од 2 милиона денари со времетраење од две години.

Општина Кочани организира  јавен градски превоз од декември 2013 година, за што претходно ги изведе потребните инфраструктурни и сообраќајни подготовки.

Може ќе ви се допадне

Интернет страницата користи колачиња за да го подобри вашето искуство. Со прифаќање се согласувате со политиката на приватност колачиња. Прифаќам Повеќе