Од полноќ повисоки цени на бензините и дизелот

Од ноќеска на полноќ цените на горивата се зголемуваат за еден и пол денар за литар, одлучи денеска Регулаторната комисија за енергетика (РКЕ).

Според одлуката, новата малопродажна цена на еуросупер БС-95 од ноќеска ќе изнесува 79,50 денари за литар, литар еуросупер БС-98 ќе се продава за 81,50 денари, а цената на дизелот ќе изнесува 76,50 денари за литар.

За еден и пол денар од ноќеска на полноќ се зголемува и цената на екстра лесното масло за домаќинство и ќе се продава за 76 денари за литар. Малопродажната цена на мазутот, пак, ќе изнесува 41,439 денари за килограм.