МВР и ОЈО за случајот со убиството во Зрновци

Денеска (21.03.2026) во СВР Штип е пријавено дека околу 10:40 часот во с.Зрновци во место викано Ѓошевски орев во близина на зрновска река е пронајден човечки леш, во фаза на распаѓање.

Се преземаат мерки за расчистување на случајот.

Од ОЈО пак посочија:

Јавен обвинител од Основното јавно обвинителство Кочани врши увид на локација каде е пронајдено тело на почината жена.

До овој момент починатата не е идентификувана.

Ќе биде наредена обдукција, а причините за смртта се уште не се утврдени.