Вие сте на официјалниот портал на Радио Кочани.
Парите од продажбата на „Зелникот на баба“ во Пробиштип ќе се донираат за млади со ретки болести
Во Пробиштип денес се одржа традиционалната манифестација „Зелникот на баба“, која по 12-ти пат собра учесници од над 20 градови од Македонија и од соседните земји.
Манифестацијата имаше хуманитарен карактер – сите средства од продажбата на зелниците ќе бидат наменети за лекување на млади луѓе со ретки болести.
Учесниците се натпреваруваа во сукање и печење зелник по традиционалниот пробиштипски рецепт со девет кори, испечен под вршник.
Организаторите доделија награди за најбрзите учеснички и за најуредените штандови, додека посетителите имаа можност да го поддржат доброто дело преку купување на зелниците.
Сите приходи од продажбата на зелниците ќе бидат наменети за хуманитарни цели и за помош на млади лица со ретки болести. Учесниците со своите рецепти, енергија и посветеност покажаа дека традицијата може да биде и акт на солидарност“, истакна Раде Илиевски од Општина Пробиштип.
Манифестацијата ја комбинира промоцијата на македонската традиционална кујна со помагање на најпотребните, а придонесува и за зајакнување на заедништвото и хуманитарните вредност.
Видео материјал: