Вие сте на официјалниот портал на Радио Кочани.
Под мотото „62 Ангели – вечна светлина во нашите срца“ вечерва во „Паркот на Револуцијата“ во Кочани се одржа настан во спомен на загинатите во „Пулс“, несреќа со 62 починати, претежно млади и над 200 повредени.
Се палеа свеќи во форма на крст и срце во чест на починатите, а околу 21 часот во воздух одлетаа 62 балони со имињата на ѓртвите, по што присутните граѓани со мобилните телефони направија звездено небо и испратија светлина кон небото за 62 згаснати животи.
Овој настан имаше комеморативен и хуман карактер, беше чин на љубов, почит и сеќавање. Кочанчани се обединија во болката и во љубовта кон оние кои секогаш ќе живеат во нивните срца.
Палењето свеќи за помен на починатите 62. млади животи ќе трае до полноќ.
