Вие сте на официјалниот портал на Радио Кочани.
Во просториите на Општина Кочани, вршителот на должноста градоначалник Венко Крстевски утрово оствари прием на младиот информатички талент Владимир Грчев, кој неодамна освои златен медал на Европската олимпијада по информатика, што се одржа во Шумен, Бугарија.
Средбата беше знак на признание за неговиот извонреден успех, но и поттик за поддршка на младите таленти во областа на науката и технологијата.
Со вакви успеси, младите како Владимир Грчев се вистински амбасадори на знаењето и мотив за генерациите што доаѓаат.
Од локалната самоуправа на Кочани најавуваат и понатамошна поддршка за сите ученици кои покажуваат извонредни резултати на национално и меѓународно ниво.