Вие сте на официјалниот портал на Радио Кочани.
Пожарот што попладнево избувна во атарот на селото Нивичани е целосно изгаснат.
Благодарение на брзата реакција на Територијалната противпожарна единица, доброволното противпожарно друштво од Кочани и мештани, огнената стихија најпрво беше локализирана, а потоа и целосно ставена под контрола во вечерните часови.
Во пожарот е зафатена површина со сува трева и нискостеблеста шума, но спречено е негово ширење кон поширок простор. Интервенцијата заврши без повредени лица.
