Угостителите од Трговскиот центар блок А, со ургентна жалба до Државната комисија за одлучување во втор степен

Соопштение од угостителите од Трговски центар Блок А

Ја известуваме јавноста дека имаме поднесено навремена жалба против незаконитото Решение донесено од страна на Општина Кочани, со кое што решение на сила и без никаква правна основа, без правни агрументи и се со цел задоволување на нечии интереси, а на наша штета и на штета на нашите вработени кој што ги прехрануваат своите фамилија, а дополнително на штета кочанската јавност да се изврши уривање на нешто што е градено со макотрпа работа и нешто кое што претставува срцето на градот, за кое нешто до неодамна токму од страна на општината се наплаќаа огромни суми на пари и кое што не преставуваше никаков проблем, а кое нешто стана актуелно и проблем токму по извршениот избор на в.д градоначалникот Венко Крстевски.

Сметаме дека за вакви важни прашања, кој што не засегаат не само нас, нашите вработени, туку и целокупната економија и движење во овој дел од градот, треба подолг веменски период, евентуалните проблеми да се решаваат со правни аргументи и факти, со дијалог и во разумен временски период, без брзање и притисоци и закани за уривање и уништување на она што претставува централно градско подрачје.

Воедно ве информираме дека по поднесената жалба, до Дражвната комисија за одлучување во втор степен во областа на инспекцискиот надзор и прекршочната постапка имаме доставено и Ургенција за побрзо постапување по претходно поднесената жалба, која што е уредно примена на ден 12.06.2025 година, како резултат на определеното уште еднаш апелираме и упатуваме повик до Државната комисија за одлучување во втор степен во областа на инспекцискиот надзор и прекршочна постпака да ги има во предвид нашите наводи изнесени во жалбата и да одлучи во најбрз можен рок се со цел да се спречи нанесување на директна штета во износи од неколку стотици илјади евра, а која што штета за жал повторно ќе треба да падне на товар на Општина Кочани.