Спортска хуманитарна манифестација во ООУ „Крсте Петков Мисирков“ , прогласен и првенецот на генерацијата

Спортска хуманитарна манифестација се одржа во спортската сала и во дворот на ООУ „Крсте Петков Мисирков“ во Оризари со цел собирање средства за помош на Иле Стојанов, поранешен ученик во училиштето.

Настанот со спорт и хуманост се одржа за одбележување на 1-ви Јуни Денот на детето, а на истиот учествуваа ученици и родители.

Учениците од прво до петто одделение играа разни натпреварувачки спортски игри во дворот и во спортската сала, при тоа не беше важна победата, туку хуманоста на децата. Во спортската сала исто така се играа спортски игри, а футсал играа ученици и родители каде што подобри се покажаа учениците и ги победија родителите.

Во рамки на манифестацијата беа доделени сите награди, признанија и дипломи на учениците кои оваа учебна година освоија места на општински, регионални и државни натпреври по разни предмети.

Меѓудругото беше прогласен и првенецот на генерацијата Лина Мицовска која комисијата едногласно ја избра заради одличниот континуиран успех и постигнатите резултати на регионални и државни натпревари.