Ана Пејчева прогласена за првенец на генерацијата во ООМУ „Ристо Јуруков“ – Кочани

Ученичката Ана Пејчева е прогласена за првенец на генерацијата 2016–2025 година од страна на Наставничкиот совет на ООМУ „Ристо Јуруков“ – Кочани. Во текот на своето образование, Пејчева постигна значајни резултати на меѓународни натпревари, под менторство на нејзината наставничка, м-р Драгана Карова Ангелова.

Таа освоила вкупно 5 први, 6 втори и 1 трета награда, како и една пофалница во категориите пијано и камерна музика (четирирачно пијано), покажувајќи посветеност и исклучителен талент.

Колективот на училиштето ѝ упати искрени честитки и ѝ посака многу успех во понатамошното образование.