Вие сте на официјалниот портал на Радио Кочани.
По десет години пауза повторно се организира Отворената забавна фудбалска школа во Кочани што се реализира во рамки на проектот Open Fun Football Schools.
Оваа година во Кочани на задоволство на сите учествуваат 140 ученици од петте основни училишта од Кочани и Оризари.
Целта на отворените забавни школи е учениците да спортуваат, да се забавуваат, другаруваат, запознавајки нови игри, нови другарчиња со кои и понатаму ќе контактираат во секојдневниот живот.
Преку ваквите манифестации се развива спортскиот и натпреварувачки дух на учениците но основната идеја е и забавниот концепт.
Она што е важно не е резултатот, туку аспектот на играта, задоволството кое произлегува од играњето и подобрувањето на нивото на вештините.
Денеска децата имаат ден поминат со спорт, дружење, забава и социјализација.
Игрите се поддржани од Ротари клубот Кочани – Виница и Еуро Контрол Еко Облешево.
