По повод претстојните празници – настапи на Детската градинка „Павлина Велјанова“ во Градскиот парк во Кочани

Во пресрет на новогодишните и божиќните празнувања, денеска во Градскиот парк во Кочани децата и учителките од Детската градинка „Павлина Велјанова“ прикажаа музички точки и театарска претстава.

Новогодишното хорче составено од деца од големата група од објектот „Ѕвездички“ испеа неколку новогодишни песни, а учителките од објектот „Цветови“ ја изведоа претставата „Нова година иде, што ли ќе биде?“.

Претпразничните содржини на градинката „Павлина Велјанова“ ги следеа ученици од основни училишта во Кочани.