Три први награди за кочанските ученици во основното музичко училиште „Ристо Јуруков“

Денеска на меѓународниот натпревар по камерна музика што се одржа во Кавадарци младите кочански музичари Макарија Иванова и Јован Цветанов во силна конкуренција ја освоија првата награда под менторство на професор Марија Лазарова и професор Душан Стојанов во дисциплината четирирачно пијано на воодушевување на сите присутни ја има најдобрата изведба, па жири комисијата за композициите „Унгарски танц“ и „Полка“ сосема заслужено им ја врачи дипломата за освоеното прво место.

Исто така ученичките Јана Филипова и Ана Пејчева во дисциплината четирирачно пијано во класа кај наставниците м-р Елизабета Ѓеорѓиева и м-р Драгана Карова Ангелова освоија прва награда.

Учениците Александар Крстов, Симон Бошковски, Стефанија Атанасова, Драган Стаменков, Никола Паунов и Баже Ацева кои учествуваат во училишниот оркестар на народни инструменти кај наставникот Виктор Постолов освоија прва награда.

-Продолжуваме и понатаму со вредна работа и врвно музицирање за да останеме секогаш на врвот – изјавија за „Радио Кочани“
Честитки за сите наградени.