Вие сте на официјалниот портал на Радио Кочани.
„Деновите на медот“ годинава ќе се одржат на 21 и 22 октомври во Градскиот парк во Кочани. Станува збор за традиционална манифестација чиј организатор е локалното пчеларско здружение „Матица“.
Според информацијата што ја добивме од Борчо Атанасов, претседател на „Матица“, се очекуваат неколку десетици излагачи од сите краеви на Македонија. Освен мед и други пчелни производи ќе има излагање и на опрема што се користи во пчеларството.
Годинава „Деновите на медот“ ќе се одржат по 26 пат.