Вие сте на официјалниот портал на Радио Кочани.
Комуналното јавно претпријатие „Водовод“ – Кочани, доби нов в.д. директор
Комуналното јавно претпријатие „Водовод“ – Кочани, денес, доби нов в.д. директор. Тоа е Перо Георгиевски. Тој доаѓа на местото на досегашниот директор Антонијо Паунов. Во Општина Кочани, а во присуство на градоначалникот Љупчо Папазов денес беше извршено примопредавање на раководната позиција.
Папазов и Георгиевски при примопредавањето, денес беа на увид на санација на водоводен дефект на улица “Раде Кратовче”, каде што интервенираше Сектор за водовод и канализација.
Во наредните денови в.д. директорот Георгиевски ќе изврши планирање на приоритетни активности од редовното работење на претпријатието, кон кои ќе се пристапи со динамично спроведување.