Вие сте на официјалниот портал на Радио Кочани.
Алармниот систем што Радио Кочани го инсталираше во спомен домот АСНОМ уште еднаш го спаси Радиото од кражби и оштетувања.
Синоќа околу 2 и пол часот по полноќ се огласи по кој знае кој пат и ги истера натрапниците кои во просториите си влегуваат како да се дома. И покрај сите мерки што ги превземаме, железни врати, заштитни решетки, нови брави, катанци, тие сепак изнаоѓаат начин да влезат. Голем дел од нив веќе отслужуваат казна затвор, ама сепак како што ни рече утрово во 2 часот и 30 минути дежурниот полицаец, повторно и повторно се јавуваатт нови „таленти“.
Неколкупати досега сме ги спасиле на суд да добијат само условна казна, доколку не го повторат делото, а тие упорно работат и трета смена. 90 % од нив веќе добро знаат дека овде нема ништо вредно од што би можеле да имаат материјална корист, ама останатите 10 % и до ден денес, нè оставаат без спиење.
Упатуваме уште еднаш благодарност до дежурните во кочанската полиција, кои веднаш по огласувањето на алармот, во рок од помалку од 5 минути беа на лице место.
Радио Кочани продолжува со емитувањето на вообичаената програмска шема, на задоволство на бројните наши слушатели.