Вие сте на официјалниот портал на Радио Кочани.
Градоначалникот на Општина Зрновци, Борчо Коцев како што изјави за Радио Кочани конечно го реши загадувањето на Видовишка река, со што значително ќе се подобрат животните услови на жителите во село Видовиште.
Информираше дека денеска е потпишан договорот за обезбедување на средства за проектот „Пречистителна станица за отпадни води” во село Видовиште во висина од 1 968 431 денари.
На почетокот на минатата година се изготви проект и беше обезбедена катастарска парцела за изградба на Пречистителна станица во Видовиште на местото каде што цела деценија претставува извор на зарази и е загадувач број еден на земјоделските површини, Видовишка река и Брегалница, што е проблем за сточарите и земјоделците.
Денеска се започна постапка за избор на фирма изведувач за изградба и целосна изведба на проектот кој што до крајот на месец Август ќе биде целосно реализиран.