Вие сте на официјалниот портал на Радио Кочани.
Кочанчани тримфираа на 60 –то издание на Драмскиот аматерски фестивал на Македонија со претставата „Тунел“ во изведба на театарската група „Годо“ , а во режија на Кристина Атанасова Арсова. Тие ја добија Гран-при наградата „Васил Ќортошев“ за најдобра претстава во целина .
Даниел Гочевски, за ликот на Драган Тарабунов во претставата „Драги уметници“ на Театарот „Чекори“ од Скопје, е награден за главна машка улога, додека наградата за главна женска улога отиде во рацете на Анџелија Мирковиќ, за игрграње на ликот на Наталија Стефановна во „Просидба“ од Чехов. Ова претстава е дело на Академското позориште од Ниш, Србија.
Награда за истражување нови сценски изразни средства и експеримент во аматерскиот театар ја доби „Умрежени“, претстава на КУД „Бранко Радичевиќ“ од Одбор „Просвета“ – Почетин, Хрватска.
Во категоријата за деца и младинци наградена е изведбата на драмскиот текст „Црвенкапа“ на Драмското студио „Летечка театарска група“ од Тетово, во режија на Зоран Јовановски.
Тамара Стојановска и Никола Кузмановски од театарот „Чекори“ од Скопје ги добија наградите за најдобра споредна женска и машка улога .
60 – то издание на Драмскиот аматерски фестивал на Македонија, чиј традиционален домаќин е Кочани, се одржа под мотото „Театарот е жив“
Финансиски, зад ДАФ 2023 стојат Општина Кочани, Министерството за култура и повеќе приватни фирми.
Фестивалот започна на 22 мај, претставите завршија на 27 – ми, а вечерва во Градскиот парк се одржа свеченоста на која беа прогласени најуспешните.