Вие сте на официјалниот портал на Радио Кочани.
Денеска Одделението за превенција при СВР Штип во соработка со ОВР Кочани почна со реализација на активности во рамки на кампањата на МВР и Македонскиот полициски синдикат “МВР за граѓаните – заедница, доверба и одговорност“, со цел дополнително зголемување на довербата во полицијата, како и доближување до граѓаните за суштината, вредностите и карактеристиките на концептот – полициско работење со заедницата.
Полициски службеници од Секторот за внатрешни работи Кочани со делење на летоци и непосреден разговор со граѓаните ја потенцираа пораката на оваа кампања дека полицијата постои за да биде во служба на заедницата, ја потенцираа важноста на градењето партнерство помеѓу полицијата и граѓаните, но и механизмите за контрола врз полицијата што придонесуваат за зголемување на нејзиниот кредибилитет и интегритет.